കുബ്ബൂസ്

പ്രവാസിയുടെ അന്നമെന്ന കാവ്യ-
മീമാംസയില്‍ കുബ്ബൂസെന്ന വൃത്തമുണ്ട്
ഇഞ്ചി മുതലഞ്ചും പരിവട്ടങ്ങളേയുമൊരു
ഒറ്റവട്ടത്തിലോര്ക്കും കുബ്ബൂസ്!!
പ്രവാചകനും പ്രവാസിയും വൃത്തപരിധികളാല്‍

കുബ്ബൂസ്സിലൊന്നിക്കാനെന്നു തോന്നും
വിരഹവും പ്രണയവുമെന്ന സ്വസ്ഥതയുടെ
ചുറ്റളവിലേക്കലിയാനും ദഹിച്ചുചേരാനും
ഇനിയും പരത്തിയിട്ടില്ലാത്ത മാവിനുരുളകളാണോ
പ്രവാസ നക്ഷത്രമായി കറങ്ങിനടക്കുന്നത്‌??