ഞാനും വാര്യത്തെ പട്ടിയുമാണ്
സുഗുണന് മാഷിന്റെ വേലിയെ
മാനിക്കതിരുന്നത് ,,
അതുകൊണ്ട് തന്നെ
മാഷിന്റെ കണക്കില്
ഞാന് കണക്കായിപോയതും,
കൈ വഴങ്ങാതിരുന്ന
ഗുണനങ്ങൾ തുടയിലെ
നീറ്റലിലാണ് തെളിഞ്ഞു കണ്ടത് ,,
ഗൃഹപാഠമാണ് കടുപ്പം
ഒട്ടിപോകുന്ന പെരുക്കങ്ങളും
പൊട്ടിപോകുന്ന ഘനരൂപങ്ങളും
എന്റെ ഉറക്കരതിയെ തെല്ലൊന്നുമല്ല
അലോസര പെടുത്തിയത്,,
ഹരിക്കാനും ഗണിക്കാനു-
മറിയാത്തഞാനൊരു
ചോദ്യ ചിഹ്നമാകുന്നതുമപ്പോഴാണ്,
അന്നാദ്യമായീ മൂന്ന്
ഗുണനചിഹ്നം കണക്കിലെ
കളിയിൽ കേമനെന്നറിഞ്ഞത്,,
കാലം കണക്കു പോലെ
അധിക ചിഹ്നത്തിൽ
കടന്നു പോയൊരു നാളിലാണ്
അങ്ങാടിയിലെ അഛന്റെ
പീടികയിലെ കണക്കു
ഞാൻ മാഷിനോട് പറഞ്ഞത് ,,
അന്നാണ് മാഷ് പറഞ്ഞത്
നീ കണക്കിലെ കളിയെല്ലാം
പഠിച്ചിരിക്കുന്നു കുറയ്ക്കാനും
കൂട്ടനുമല്ല പെരുപ്പ കണക്കും
നിനക്കറിയാമിപ്പോള്....
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ