പൂവിന്റെ കര്മ്മം

ഒരു പൂവിന്റെ കര്മ്മമാണോ
പൂമ്പാറ്റകള്ക്കു ചിറകുവിരിക്കാനും
വണ്ടുകള്ക്കു മൂളാനും മുരളാനും.
സൂര്യകിരണങ്ങള്‍ മടിയിലോതുക്കാനും
തെന്നലിന്‍ തഴുകലില്‍ തലയാട്ടി
താളംപിടിക്കാനും ചാഞ്ചാടിയാടാനും 
നിന്‍ മൃതിയിലും വിതറൂമീ നറുമണം 
ശുഷ്കകര്മ്മമെങ്കിലും ശുദ്ധമാം
കര്മ്മം അതു നിന്‍ പുണ്യം

മന.തര്പ്പണം

വലം കയ്യില്‍ ഒരുപിടിചോറുമായി
വലതുകാല്‍ മുട്ടിലുന്നി എള്ളും പൂവും 
ചന്ദനവും കിണ്ടി വാലില്‍ ഒരു നീരുംകൊടുത്ത് 
മൃത്യുവിന്‍ കരങ്ങളാല്‍ പ്രാണനെ പുല്കുമ്പോള്‍ 

ഊര്ധ്വശ്വാസം വലിച്ചു രാത്രി പുലരവേ 
എന്‍ പ്രിതു കര്മ്മതതിന്‍ തിരിശീല വീഴുന്നു, 
ഇടറാതെ നടക്കണം ഇനിയെന്റെ വീഥിയില്‍
ദേഹം വെടിഞ്ഞൊരു ദേഹിക്ക് വേണ്ടി ഞാന്‍ 

ആത്മാക്കള്‍ എത്രയോ കാകന്റെ രൂപത്തില്‍
പാറിവന്നിടുന്നു ബലിയേറ്റു വാങ്ങുവാന്‍
ബലിചോറൂരുട്ടി കാത്തിരിക്കുന്നു ഞാന്‍
പുത്രനെന്ന വാക്കിന്റെയര്ഥവും ധര്മ്മവും

പുണ്യതീര്ത്തതിലൊഴുകി മറയുന്നു 
ദേഹിയെ വന്ദിച്ചു ഞാനെന്‍ വിരലിലെ
ദര്ഭ മോതിരം ഊരിക്കളയട്ടെ

ആദ്യ പ്രേമം....ചെറുകഥ

ഒരു പെണ്‍കുട്ടിക്ക് വഴിയില്‍ നിന്ന് ഒരാണ്‍ കുട്ടിയുടെ ഫോട്ടോ കിട്ടി..
എന്തോ..അവള്‍ അത് നിധി പോലെ സൂക്ഷിച്ചു അതിനെ പ്രണയിക്കാന്‍ തുടങ്ങി..
കാലങ്ങള്‍ കഴിഞ്ഞു ..പെണ്‍കുട്ടി വളര്‍ന്നു വലുതായി..അവള്‍ വിവാഹവും കഴിച്ചു.
എങ്കിലും അവള്‍ ആ ഫോട്ടോ ഉപേക്ഷിക്കാന്‍ തയ്യാറായില്ല.__________
ഒരു ദിവസം അവളുടെ ഭര്‍ത്താവ് ആ ഫോട്ടോ കണ്ടു..അയാള്‍ ചോദിച്ചു.
ഇത് എവിടെ നിന്ന് കിട്ടിയ ഫോട്ടോയാണ്..?.
അവള്‍ മറുപടി പറഞ്ഞു.
''ഇത് ഞാന്‍ കൊച്ചു കുട്ടിയായിരുന്നപ്പോള്‍ മുതല്‍ സൂക്ഷിക്കുന്നു.''
''അല്ല .എന്തെ ചോദിക്കാന്‍ കാരണം...'' അവള്‍ ആരാഞ്ഞു..
അയാള്‍ മറുപടി പറഞ്ഞു; '' എനിക്ക് ഏഴു വയസ്സുള്ളപ്പോള്‍ നഷ്ടപെട്ടതാണ് ഈ ഫോട്ടോ..''

പെരുവിരല്‍

ഈ വിരലു ചൂണ്ടുന്നത്
എനിക്ക് നേരെ തന്നെ

ഞാൻ....

എന്തിനിത് മുറിച്ചു വാങ്ങി ?
പ്രീയ ശിഷ്യരെക്കാളൊരു
നാലാം ജാതിക്കാരന്റെ
അധിനിവേശം തടയാന്‍
ഒരു നിരായുധീകരണം

പക്ഷെ വിരലിപ്പോള്‍
എനിക്കും വേണ്ട
എന്റെ പ്രീയ ശിഷ്യർക്കും വേണ്ട

വിപ്ലവകാരികൾക്കും നൽകിയാലോ?
അവർ മണ്ഡപം പണിത്‌
രക്തഹാരം ചാര്ത്തി
കൊല്ലം തോറും
അതിന്റെ മുമ്പില്
പ്രതിജ്ഞയെടുത്തങ്ങനെ കൊണ്ടു നടന്നോളും

കൂടുതലൊന്നും ചോദിക്കരുത്‌
പെരുവിരല്‍ പിന്നീടെന്തു ചെയ്തെന്ന്
സത്യമായിട്ടും എനിക്കറിയില്ല

മാ നിഷാദ

ഒരു മുനി ഗര്ജ്ജിച്ചു. “മാ നിഷാദ”
ഇണക്കിളികള്‍ പറന്നു പോയ്‌ 
വേടന്റെ ഉന്നം പിഴച്ചു 
മുനിക്ക് ചാരിതാര്ത്ഥ്യം
വേടന്റെ കുടിലില്‍ വിശന്നു
കരയുന്ന ഒരു കുഞ്ഞിന്റെ
വിശപ്പിന്റെ കണ്ണീര്‍
ഒരു അമ്മയുടേ നിസംഗതയും

അപവാദം

ചതുര്‍ത്ഥി യില്‍ ചന്ദ്രനെ കണ്ടാല്‍

അപവാദം കേള്‍ക്കുമാത്രേ !

കാക്കപൂതേടി ജലജേച്ചിടെ കൂടെ

മുളം കൂടിനരികെയും..കുളത്തിനരികെയും

പോയീ പൂ പറിക്കാറുണ്ട്

അന്നും കുളത്തിലെ വെള്ളത്തില്‍ ചന്ദ്രനെ കണ്ടു

അതൊട്ട്‌ ഞാന്‍ ആരോടും പറഞ്ഞുമില്ല

എന്നെ കുറിച്ച് അപവാദം പറഞ്ഞിട്ടുണ്ടോ എന്തോ?

ജലജേച്ചി ഒരപ്പെരേല് തൂങ്ങിയത്

എന്തിനാണാവോ ചന്ദ്രനെ കണ്ടു കാണും!!!!

ബാപ്പു

ബാപ്പു എടുത്ത കൊടിതന്നെ 
ഞാനും എടുത്തത് 
കൊടികെട്ടിയ വടി പക്ഷെ ഇരുമ്പാണു
ബാപ്പു ചുറ്റിയ ഖദര്‍ തന്നെ എനിക്കും 
അക കീശയില്‍ രക്തം പുരണ്ട 
ഗാന്ധി തലയുണ്ട്
രഘുപതി രാഘവ രാജാറാം
പാടിയാണ് ഞാന്‍ കുത്തിയും
തല്ലിയും കൂലിക്ക് ആളെ വിട്ടു
ചുട്ടു തള്ളുന്നതും